#الأهلي #غير #قادر #على #الاستفادة #من #زيزو. #وغرفة #الملابس #بها #مشاكل #كل #الكورة
قال مجدي عبد الغني، نجم الأهلي ومنتخب مصر لكرة القدم السابق، إن أحمد سيد زيزو لاعب مميز للغاية، لكنه يرى أن النادي الأهلي لم ينجح حتى الآن في الاستفادة من قدراته بالشكل المطلوب.
وأضاف عبد الغني عبر إذاعة الشباب والرياضة: “زيزو لاعب فذ، لكن بصراحة محدش في الأهلي عارف يطلع اللي عنده من وقت ما النادي تعاقد مع زيزو ومحمود حسن تريزيجيه والدنيا اتقلبت في أوضة اللبس”.
وتابع: “أوضة لبس الأهلي فيها مشاكل واضحة، والخسائر اللي بتحصل للفريق سببها إن اللاعبين مش على قلب رجل واحد لازم النفوس تبقى صافية بين الكل علشان الفريق ينجح”.
كما علّق على بعض القرارات الإدارية داخل النادي قائلاً: “قرار منح صلاحيات لياسين منصور وسيد عبد الحفيظ بقى حبر على ورق، ومفيش حاجة اتغيرت على أرض الواقع المشكلة إن الأمور أحيانًا بتمشي بأهل الثقة مش أهل الخبرة والكفاءة”.
وأضاف نجم الأهلي السابق: “أنا يهمني مصلحة الأهلي قبل أي حاجة، وفي ناس ماسكة مناصب في النادي أصلاً مش بتشجع الأهلي، بينما إحنا بره. أنا بشجع الأهلي من وأنا عندي 5 سنين”.
واختتم عبد الغني تصريحاته قائلاً: “أنا مبروحش النادي الأهلي خالص دلوقتي، معنديش وقت ومبحبش أروح مكان مش مرتاح فيه أنا نجم كبير في الأهلي غصب عن أي حد، ورغم كده مش بيتم دعوتي لأي مناسبة، وده تقصير من المسؤولين. أنا بكتفي إني أبعت حد يجدد اشتراكي في النادي وخلاص”.
Leave a comment